Presidenti i Republikës së Shqipërisë, Ilir Meta ka bërë të ditur se i ka drejtuar Qeverisë një ser kërkesash pas situatës së krijuar në Shqipëri pas tërmetit.

Meta përmes një postimi në facebook ka bërë të ditur se këto kërkesa kanë ardhë pas takimit me pedagogë dhe drejtues shkencor, shkruan arbresh.info.

I pari i Shqipërisë ndër të tjera ka kërkuar krijimin e një karte të re fizike në të cilën përfshihen zonat me rrezik sizmik, nga përmbytjet dhe zjarret.

“Pas takimit me pedagogët dhe drejtuesit shkencorë, lidhur me situatën e krijuar pas tërmetit, i kam kërkuar sot Qeverisë:

– Fillimin e punës sa më parë, për azhornimin dhe kompletimin e një Harte të re Fizike të Riskut për Shqipërinë në të cilën do të përfshihen dhe saktësohen zonat me rrezik sizmik, si dhe të gjitha territoret e kërcënuara nga erozionet, përmbytjet, rrëshqitjet, zjarrjet, etj;

– Zbatimin e detyrueshëm në të gjithë territorin e vendit të sistemit të eurokodeve në ndërtimet civile dhe objektet e banimit, pa asnjë përjashtim;

– Plotësimin e legjislacionit të planifikimit urban me elementë të rinj sigurie, sipas procedurave bashkëkohore, në projektimin dhe ndërtimin e objekteve të ndërtimit;

– Në kuadër të rishikimit të Buxhetit 2020, për përballimin e pasojave tepër të rënda, duhet të planifikohet edhe mbështetja e domosdoshme financiare për institucionet përkatëse të kërkimit shkencor”, ka shkruar Meta./arbresh.info/